![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/RitsaMounts.jpg/640px-RitsaMounts.jpg&w=640&q=50)
Ritsa
innsjøar I Georgia / From Wikipedia, the free encyclopedia
Ritsa (abkhasisk Риҵа, georgisk რიწა) er ein innsjø nord i den i røynda sjølvstendige republikken Abkhasia (etter lova ein autonom republikk i Georgia). Innsjøen ligg i Kaukasus og er omringa av skogar og subalpine enger. Vatnet er kaldt og klårt. Fjella har ei høgd på 2 200 til 3 500 meter rundt innsjøen. Ein har funne fleire nordmannsgrantre med høgd på over 70 meter rundt innsjøen.
Ritsa | |||
innsjø | |||
Fjell omkring Ritsa | |||
Land | ![]() | ||
---|---|---|---|
Tilsig | Lashipsa | ||
Utløp | Iupshara | ||
Høgd over havet | 950 moh. | ||
Areal | 1,49 km² | ||
Største djupn | 116 m | ||
Kystlengd1 | 4,29 km | ||
Koordinatar | 43°29′N 40°33′E | ||
Byar | Avadhara | ||
![]() Ritsa 43.4811°N 40.5415°E / 43.4811; 40.5415 | |||
Wikimedia Commons: Lake Ritsa | |||
1 Kystlengd er eit unøyaktig mål som kanskje ikkje er standardisert for denne artikkelen. | |||
Ritsa får vatn frå seks elvar, men har berre eitt utsig, elva Iupshara. Landsbyen Avadhara ligg nord for innsjøen. I 1930 vart Ritsa naturreservat (162,89 km²) oppretta for å verne om naturen rundt innsjøen. Vegen frå Svartehavet vart bygd i 1936. Innsjøen var ein viktig turistattraksjon i Sovjettida. Trass i at det vart bygd eit hotell ved breidda og eit par andre attraksjonar kjem det i dag lite turistar her på grunn av uro i området.
Ritsa er ein av dei djupaste innsjøane i Georgia (116 m) og rik på aure. Middeltemperaturen i området er 7,8 °C (januar -1,1 °C, august 17,8 °C). Den årlege nedbørsnormalen er om lag 2 000 til 2 200 mm. Det er ikkje uvanleg med snø om vinteren, og somrane er som regel varme.
Sovjetleiaren Josef Stalin hadde eit av sommarhusa sine (datsja) ved innsjøen. I dag høyrer dette huset til den abkhasiske regjeringa.