Rakiura Track
From Wikipedia, the free encyclopedia
Rakiura Track er ei 29 km lang fotturrute på Stewart Island/Rakiura på New Zealand, og ein av New Zealand Great Walks.
Turen ligg i nasjonalparken Rakiura National Park og kan gjennomførast på tre dagar. Store delar av turen følgjer kystlinja, passerer større og mindre viker og mudderflater, medan den midtre delen kryssar bratte åsar kledde med kratt og tett skog. Der er to hytter langs ruta, ei ved Port William, og ei ved North Arm i Paterson Inlet, og det er mange overnattingar båe stadar. Overnattingar må bestillast på førehand. Hyttene er utstyrte med vedbrensel som er floge inn med helikopter[1] då ingen veg fører til hyttene, og det er ikkje tillate for turgåarar å hogga sin eigen ved. Hyttene er ikkje utstyrte for matlaging, så turgåarar er tilrådde å ta med eige kokeutstyr. Dette, og andre naudsynte forsyningar kan kjøpast i Oban. Det er elles tilgjenge til leirplassar ved Maori Beach, Port William og North Arm.
Større delar av ruta er gruslagt, utan dette ville stien ofte vorte omdanna til gjørme. Det er to årsaker til dette, dei torvaktige eigenskapane til jorda, og dei store årlege nedbørsmengdene på Stewart Island. Generelt er stien godt vedlikehalden, og er lett til middels vanskeleg å gå. Langs Rakiura Track kan ein også vera så heldig å få auge på kiwiar i deira naturlege omgjevnadar.
Tilreisande kan dra til Stewart Island anten med ferje frå Oban eller med fly frå Invercargill Airport.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
