![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/25/Provincia_de_Ant%25C3%25A1rtica_Chilena.svg/langnn-640px-Provincia_de_Ant%25C3%25A1rtica_Chilena.svg.png&w=640&q=50)
Provinsen Antártica Chilena
From Wikipedia, the free encyclopedia
Antártica Chilena er den sørlegaste av dei fire provinsane i Región de Magallanes y de Antártica Chilena i Chile. Denne provinsen dekkjer Storøya i Eldlandet sør for fjellkjeda Cordillera Darwin, dei sørlegaste øyane i den chilenske delen av Eldlandet samt Chilensk Antarktis. Provinsen er inndelt i to kommunar; Antártica som dekkjer det chilenske kravområdet i Antarktis, og Cabo de Hornos som dekkjer området i Eldlandet. Provinsen grensar i nord til provinsen Tierra del Fuego.
![Thumb image](http://upload.wikimedia.org/wikipedia/commons/thumb/2/25/Provincia_de_Ant%C3%A1rtica_Chilena.svg/640px-Provincia_de_Ant%C3%A1rtica_Chilena.svg.png)
Medrekna Antarktis-området, har denne provinsen eit areal på 1,265,853.7 km2. Han er svært tunt befolka - i 2002 registrerte ein 2392 innbyggjarar i heile provinsen. Dei fleste av desse bur i provinshovudstaden Puerto Williams på Navarino-øya.