![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/49/DS_Nordnorge_i_Bodoe.jpg/640px-DS_Nordnorge_i_Bodoe.jpg&w=640&q=50)
Ofotens Dampskibsselskab
From Wikipedia, the free encyclopedia
Ofotens Dampskibsselskab (ODS) var eit reiarlag som vart grunnlagt 24. juli 1912 i Narvik. Føremålet var å driva lokaltrafikk på Ofotfjorden, og i 1914 fekk reiarlaget overlevert sitt første skip, DS «Barøy». I 1936 kom ODS inn i hurtigruten med skipet DS «Nordnorge». Administrerande direktør i fleire tiår var Waldemar Høy. I 1985 kjøpte ODS 68 % av aksjane i Vesteraalens Dampskibsselskab (VDS), og tok dermed over kontrollen av reiarlaget.
Ofotens Dampskibsselskab | |||
Bransje | Sjøfart, kollektivtransport, transport | ||
---|---|---|---|
Skipa | 24. juli 1912 | ||
Etterfylgjar(ar) | Ofotens og Vesteraalens Dampskibsselskab | ||
Hovudkontor | Narvik | ||
Land | Noreg |
![Thumb image](http://upload.wikimedia.org/wikipedia/commons/thumb/4/49/DS_Nordnorge_i_Bodoe.jpg/640px-DS_Nordnorge_i_Bodoe.jpg)
I 1987 vart ODS og VDS formelt slått saman, og det nye selskapet fekk namnet Ofotens og Vesteraalens Dampskibsselskab (OVDS). Reiarlagslogoen og skorsteinmerket til ODS vart vidareført i det nye reiarlaget. OVDS vart i 2006 slått saman med Troms Fylkes Dampskibsselskap (TFDS) og danna Hurtigruten Group, seinare omdøypt Hurtigruten ASE.