Norske sosialministrar
Wikimedia-listeartikkel / From Wikipedia, the free encyclopedia
Norske sosialministrar er ei oversikt over statsråder i det tidlegare Sosialdepartementet, som var namnet på eit departement i åra 1913–1993 og 2002–2004.
Opptakta til departementet var Departementet for sociale saker, handel, industri og fiskeri som vart oppretta 3. juni 1913 med Johan Castberg som initiativtakar og den første statsråden i departementet, i Gunnar Knudsen si andre regjering.
Sosialdepartementet vart skilt ut frå dette dåverande Departementet for sociale saker, handel, industri og fiskeri ved Kongeleg resolusjon 8. september 1916.[1] Frå 1993 til 2001 heitte departementet Sosial- og helsedepartementet, så Sosialdepartementet 2002-2004, og deretter blei dette Arbeids- og sosialdepartementet i 2004-2006. Dette siste blei då nedlagt, og erstatta av Arbeids- og inkluderingsdepartementet.