Nemanja Matić
serbisk fotballspelar From Wikipedia, the free encyclopedia
Nemanja Matić (fødd 1. august 1988) er ein serbisk fotballspelar som sidan 2017 er aktiv i den engelske klubben Manchester United. Tidlegare har midtbanespelaren vorte seriemeister i Portugal med Benfica og i England med Chelsea FC. Pr 1.1.2019 har Matić delteke i 46 landskampar for Serbia.
Nemanja Matić | |
Statsborgarskap | Serbia |
Fødd | 1. august 1988 (36 år) Šabac |
Idrett | fotball |
Tok del i | VM i fotball 2018 |
Matić spelte fram til 2007 for heimlege Kolubara på lågare nivå i serbisk seriefotball. Etter to år med det slovakiske laget VSS Košice, vart han i 2009 overført til engelske Chelsea FC mot £1,5 millionar. Han lukkast ikkje spele seg inn på Chelsea-laget, og var 2010/11-sesongen aktiv for Vitesse i Nederland. Sommaren 2011 fekk han kontrakt med Benfica i Portugal, der han i 2013 vart kåra til årets spelar i toppserien og sesongen etter vart seriemeister. Midtvegs i den sistnemnde sesongen, i januar 2014, vart han på ny overført til Chelsea, ved det høvet mot £21 millionar. Med framifrå duellstyrke og jamnt høge prestasjonar, nett som i Benfica, bidrog Matić mykje til at Chelsea tok heim ligapokalen våren 2015. Like viktig var han ikkje då London-klubben i 2017 på ny vann Premier League. Frå sommaren 2017 har Matić vore Manchester United-spelar. Han deltok då hans nye klubb tapte FA-cupfinalen 2018, mot hans gamle klubb Chelsea FC.
![Thumb](http://upload.wikimedia.org/wikipedia/commons/thumb/a/a0/Nemanja_Mati%C4%87_-_%D0%9D%D0%B5%D0%BC%D0%B0%D0%BD%D1%8C%D1%8F_%D0%9C%D0%B0%D1%82%D0%B8%D1%87_%2822352237365%29.jpg/640px-Nemanja_Mati%C4%87_-_%D0%9D%D0%B5%D0%BC%D0%B0%D0%BD%D1%8C%D1%8F_%D0%9C%D0%B0%D1%82%D0%B8%D1%87_%2822352237365%29.jpg)
Matić landslagsdebuterte i desember 2008, men det var fyrste fem år seinare han for alvor slo seg inn på Serbias lag. Han spelte alle tre VM-kampane til Serbia under Fotball-VM 2018 i Russland. Ved inngangen til 2019 har han fått bokført 2 landslagsmål på 46 kampar.
- Slovakisk cupmeister:2009 med VSS Košice
- Portugisisk ligameister: 2014 med Benfica
- Engelsk ligameister: 2015 og 2017 med Chelsea FC
Kjelder
- Denne artikkelen bygger på «Nemanja Matić» frå Wikipedia på engelsk, den 24. februar 2019.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.