Naturkatastrofe
From Wikipedia, the free encyclopedia
Naturkatastrofe er ei hending som utgjer ein mikroskopisk del av den geologiske tidsrekninga, men som kan sette tydelege spor i den sedimentære lagrekka. Desse hendingane kan ofte finnast att ved paleontologiske eller sedimentologiske undersøkingar.
Studiar av naturkatastrofar omfattar å vurdere, førebygge og avhjelpe hendingar som kjem av geologiske tilhøve eller prosessar, og som er til fare for menneske, eigedom eller det naturlege miljøet. Dei største farane oppstår ved skred i lausmasser og berg forårsaka av nedbør, flaum, jordskjelv og menneskeleg påverknad. Skred ut i innsjøar og fjordar, undersjøiske skred og jordskjelv kan forårsake øydeleggande flodbølger (tsunamiar).
Avdelinga for miljøgeologi, hydrologi og naturkatastrofer ved Institutt for Geofag ved UiO har eit nært samarbeid med The International Centre for Geohazards (ICG) på Norges Geotekniske Institutt (NGI). Saman har desse institusjonane stor kompetanse innan analytisk og numeriske modellering og eksperimentelle metodar, og har omfattande praktisk erfaring med feltobservasjonar og førebyggande tiltak.