Mourne Mountains

From Wikipedia, the free encyclopedia

Mourne Mountainsmap

Mourne Mountains eller berre Mournes er ei fjellkjede i County Down søraust i Nord-Irland og av dei mest kjende fjella i landet. Det omliggande området har status som area of outstanding natural beauty (særskild vent naturområde) og er foreslått som den første nasjonalparken i Nord-Irland. Mournes er delvis eigd av National Trust og har mange vitjande kvart år. Det høgaste fjellet er Slieve Donard på 849 meter over havet.

Thumb
Mournes frå St. John's Point i County Down

Fjellområdet er mykje vitja av turistar, vandrarar, terrengsyklistar og fjellklatrarar.

Thumb
Mournemuren

Mournemuren er ein av dei meir kjende landemerka i Mournefjella. Det er ein 35 km lang mur som går over femten toppar, og han vart bygd for å markere eit 36 km² stort område som hovudleverandøren av ferskvatn for Belfast kjøpte på slutten av 1800-talet. Arbeidet med muren starta i 1904 og vart fullført i 1922.

Mange av toppane i Mournefjella har namn som byrjar med Slieve, frå det irske ordet sliabh som tyder 'fjell'. I tillegg til dei kjende toppane som Slieve Donard, Slieve Lamagan and Slieve Muck, er det mindre toppar med meir kuriøse namn som Pigeon Rock, Buzzard's Roost, Brandy Pad, Percy Bysshe, the Devil's Coach Road og Pollaphuca.

Dei høgaste toppane i Mournefjella

  • Slieve Donard 849 moh.
  • Slieve Commedagh 767 moh.
  • Slieve Binnian 747 moh.
  • Slieve Bearnagh 739 moh.
  • Slieve Meelbeg 708 moh.

Kjelder

Bakgrunnsstoff

54°10′N 6°05′W


Wikiwand in your browser!

Seamless Wikipedia browsing. On steroids.

Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.

Wikiwand extension is a five stars, simple, with minimum permission required to keep your browsing private, safe and transparent.