![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e2/Kart_maleku.png/640px-Kart_maleku.png&w=640&q=50)
Maleku
From Wikipedia, the free encyclopedia
Maleku (malécu jaíca eller maléku jaíka, òg kjend som guatuso) er eit chibchansk språk som vert tala av i overkant av 200 malekuar i Guatuso i det nordlege Costa Rica. Maleku er rekna som eit truga språk ettersom det har få brukarar og desse har ein tendens til å gå over til å snakka majoritetsspråket spansk. Malekuane levde isolert fram til midten av 1800-talet, og det er blitt gjort relativt lite forsking på språket. Maleku har ein rik munnleg forteljartradisjon.
Maleku malécu jaíca / maléku jaíka | ||
Klassifisering | Chibchansk Votisk Maleku | |
Talarar | malekuar | |
Bruk | ||
Tala i | ![]() | |
Område | Guatuso | |
Malekutalande i alt | 200–300 | |
Skriftsystem | Latinsk | |
Språkkodar | ||
ISO 639-3 | gut | |
![Thumb image](http://upload.wikimedia.org/wikipedia/commons/thumb/e/e2/Kart_maleku.png/320px-Kart_maleku.png)
Maleku har eit forholdsvis enkelt fonemsystem. Verbalsystemet er ergativt, og verba blir hovudsakleg bøygde modus. Substantiva blir markerte for flertall, men ikkje for bestemtheit, og dei blir ikkje bøygde i kasus. Språket har inga fast ordstilling, men den mest grunnleggjande rekkjefølgja er ergativ–absolutiv–verbal.