![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9e/Lilleaker_and_Lysakerelva.jpg/640px-Lilleaker_and_Lysakerelva.jpg&w=640&q=50)
Lysaker
From Wikipedia, the free encyclopedia
Lysaker er ein tettbygd stad med hovudsakleg kontorblokker på grensa mellom kommunane Bærum i Akershus og Oslo, i området der Lysakerelva munnar ut i Lysakerfjorden, ein part av Indre Oslofjord. Kommunegrensa følgjer elva og Lysakerfjorden. Lysaker er ein del av tettstaden Oslo, og sterkt prega av moderne kontorbygg. Namnet kjem av norrønt Ljósakr, lys eng.
![Thumb image](http://upload.wikimedia.org/wikipedia/commons/thumb/9/9e/Lilleaker_and_Lysakerelva.jpg/640px-Lilleaker_and_Lysakerelva.jpg)
![Thumb image](http://upload.wikimedia.org/wikipedia/commons/thumb/7/71/E18_Lysaker_-_2010-05-02_at_13-58-36.jpg/640px-E18_Lysaker_-_2010-05-02_at_13-58-36.jpg)
![Thumb image](http://upload.wikimedia.org/wikipedia/commons/thumb/4/4f/Lysaker_1981.jpg/640px-Lysaker_1981.jpg)
Lysaker er eit trafikknutepunkt. Ingen andre stader i Noreg passerer det fleire bilar i døgn enn på Europaveg 18 ved Lysaker. Statens vegvesen har rekna ut at det i perioden 2005–2010 vil vere i gjennomsnitt 170 000 passeringar kvart døgn.
Her ligg òg Lysaker stasjon på Drammensbanen, og frå 2011 òg på Askerbanen, og er ein av dei største i landet rekna etter talet på ferdafolk. Flytoget stoggar på Lysaker, og her er òg eit bussknutepunkt. Mellom Lysaker og Nesodden går det passasjerferje.
Fridtjof Nansens hus «Polhøgda» ligg på Lysaker. Det hyser no Fridtjof Nansens institutt.
Lysaker har gjeve namn til den uformelle gruppa Lysakerkretsen; kunstnarar og vitskapsmenn som levde i området rundt 1900.