![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Luwian_Language_de.svg/langnn-640px-Luwian_Language_de.svg.png&w=640&q=50)
Luvisk
From Wikipedia, the free encyclopedia
Luvisk er eit utdøydd indoeuropeisk språk som høyrer til den anatoliske språkgruppa. Språket er i nær slekt med hetittisk. Luvisk er enten ein direkte forløpar til lykisk eller i svært nær slekt med det.
![Thumb image](http://upload.wikimedia.org/wikipedia/commons/thumb/3/34/Luwian_Language_de.svg/640px-Luwian_Language_de.svg.png)
Luvisk vart brukt av folkegrupper som budde i Arzawa vest og sørvest for hetittane sitt kjerneområde. I dei eldste kjende tekstane vert området kalla Luviya, men det vart seinare kjent som Lydia. Dersom historia om Troja er sann, og at byen låg der ein trur han låg, snakka trojanarane med stor sannsynlegheit luvisk.
Luvisk spreidde seg frå det vestlege Anatolia mot aust, og denne spreiinga kan ha hatt ein nær samanheng med at Hetittriket fall. Luvisk vart brukt i dei neo-hetittiske statane i Syria, som Milid og Carchemish og Tabal i det sentrale Anatolia i det 900-talet fvt.
![Thumb image](http://upload.wikimedia.org/wikipedia/commons/thumb/c/c7/Anatolian_-_Seal_of_Tarkummuwa%2C_King_of_Mera_-_Walters_571512.jpg/640px-Anatolian_-_Seal_of_Tarkummuwa%2C_King_of_Mera_-_Walters_571512.jpg)
![Thumb image](http://upload.wikimedia.org/wikipedia/commons/thumb/5/50/Hattusa_reliefs1.jpg/640px-Hattusa_reliefs1.jpg)