Libania Grenot
From Wikipedia, the free encyclopedia
Libania Grenot Martinez (fødd 12. juli 1983) er ein kubansk-italiensk friidrettsutøvar som vann gullmedaljen på 400 meter ved europameisterskapane 2014 og 2016.
Libania Grenot | |
Statsborgarskap | Italia, Cuba |
Fødd | 12. juli 1983 (40 år) Santiago de Cuba |
Idrett | friidrett |
Tok del i |
Sommar-OL 2012, Sommar-OL 2008, Friidrett under Sommar-OL 2016 |
Grenot representerte Cuba til 2005. Etter ho i 2006 gifta seg med ein italienar tevla ho for Italia. Under sommarleikane 2008 i Beijing sette ho i semifinalen italiensk rekord på 400 meter med tida 50,83 sekund, men rauk ut or tevlinga med knapp margin, noko ho skulle oppleve fleire gongar i olympiske leikar og verdsmeisterskap. Året etter sigra Grenot på 400 meter i Mellomhavsleikane og forbetra den italienske rekorden til 50,30, gjeldande landsrekord i 2020.
Grenot vann bronsemedaljen på 400 meter under EM 2010 i Barcelona. Fire år seinare vann ho EM-gullet på distansen i Zürich, ein prestasjon ho gjorde omatt ved EM 2016 i Amsterdam. Ho avslutta meisterskapen i Nederland med å spurte Italia inn til bronse i 4 x 400 meter stafett. Grenot la opp etter 2018-sesongen.