![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/Ferjek%25C3%25B8_%25288337%2529.jpg/640px-Ferjek%25C3%25B8_%25288337%2529.jpg&w=640&q=50)
Kinsarvik-Utne-Kvanndal
fergesamband over Hardangerfjorden / From Wikipedia, the free encyclopedia
![Thumb image](http://upload.wikimedia.org/wikipedia/commons/thumb/1/18/Ferjek%C3%B8_%288337%29.jpg/640px-Ferjek%C3%B8_%288337%29.jpg)
Foto: Siri
![Thumb image](http://upload.wikimedia.org/wikipedia/commons/thumb/2/23/Kinsarvik.jpg/320px-Kinsarvik.jpg)
Foto: Ed Fenton.
![Thumb image](http://upload.wikimedia.org/wikipedia/commons/thumb/2/2a/Folgefonn%281938%29.jpg/640px-Folgefonn%281938%29.jpg)
Kinsarvik-Utne-Kvanndal er eit ferjesamband over Hardangerfjorden i indre Hardanger. Sambandet går mellom Kinsarvik på austsida av fjorden, Utne på Folgefonnhalvøya og Kvanndal på vestsida av fjorden. Det gjev samband mellom Fylkesveg 7, Riksveg 13 og Riksveg 550, og mellom Ullensvang og Granvin herad. Strekkja Kvanndal-Utne er òg del av Riksveg 550. Overfarten mellom Kinsarvik og Utne varer 25 minutt, medan det tek 20 minutt mellom Utne og Kvanndal. Det er trafikkselskapet Norled som driv ruta.
Det fyrste bilferjesambandet over indre delen av Hardangerfjorden opna 2. juni 1938. Då gjekk ferja mellom Ålvik i Kvam herad og Kinsarvik. Det vart bygd ferjekai til sambandet i Kinsarvik i 1938, like ved Skiparstò, restane etter naustet til leidangsskipet til Kinsarvik-leidangen. Snart etter vart det bygd provisorisk ferjekai på Utne slik at reisande til og frå Folgefonnhalvøya òg kunne nytte ferja. Ruta var driven av Hardanger Sunnhordlandske Dampskipsselskap og det var tinga eiga, nybygd ferje, M/F «Folgefonn», til ruta.
Då ferjesambandet opna var det eit monaleg framsteg for bilsambandet mellom Bergen med omland og Austlandet. Det hadde vore frakta bilar og bussar over fjorden tidlegare, men då på dekket på fjordabåtar som M/S Tyssedal, M/S «Granvin» og andre.