Kari Mette Johansen

Kari Mette Johansen (fødd 11. januar 1979) er ein norsk handballspelar og lærar frå Fredrikstad. Ho er sidan 1999 kantspelar for Larvik HK, og vart europacupmeister med klubben i 2008 og seriemeister i 13 år på rad, 2000-12. Johansen har i perioden 2004-11 vunne fire EM-gull, to OL-gull og eitt VM-gull med Noregs handballandslag. Mellom 2004 og august 2012 har ho spela 203 landskampar og skåra 493 landslagsmål.

Kari Mette Johansen
Statsborgarskap	Noreg
Fødd	11. januar 1979 (45 år) Fredrikstad
Yrke	handballspelar
Høgd	172 centimeter
Kari Mette Johansen på Commons

Aktiv

Johansen spela i unge år på Skjeberg HK og fram til 1999 for Lisleby HK. Ho debuterte på Noregs kvinnelandslag 26. mars 2004 og har seinare hatt fast plass i landslagstroppa, og spela alle meisterskapsturneringane Noreg har vore med i. Desse åra vann ho EM-gull i 2006, VM-sølv i 2007, både OL- og EM-gull i 2008, VM-bronse i 2009, det fjerde rake EM-gullet i 2010, sitt fyrste VM-gull i 2011 og sitt andre OL-gull i 2012.

Ho imponerte aller mest under europameisterskapen 2006, då ho skåra ni mål på ni forsøk i finalekampen mot Russland og vart teken ut på det såkalla allstar-laget i turneringa.

Merittar landslag

• EM 2000: Nr 6 med Noreg
• EM 2004: Gullmedalje etter 27–25 mot Danmark
• VM 2005: Nr 9 med Noreg
• EM 2006: Gullmedalje etter 27–24 mot Russland
• VM 2007: Sølvmedalje etter 24–29 mot Russland
• OL 2008 i Beijing: Gull etter norsk siger 34-27 over Russland
• EM 2008: Gullmedalje etter 34–21 mot Spania
• VM 2009: Bronsemedalje etter 26–21 mot Spania
• EM 2010: Gullmedalje etter 25–20 mot Sverige
• VM 2011: Gullmedalje etter 32–24 mot Frankrike
• OL 2012: Gullmedalje etter 26–23 over Montenegro

Kjelder

• Denne artikkelen bygger på «Kari Mette Johansen» frå Wikipedia på bokmål, den 23. juli 2012.

Bakgrunnsstoff

• Handballforbundet si landskampoversikt
• (en) Kari Mette Johansen – Profil og resultatoversikt i olympiske konkurransar på sports-reference.com.