![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/Jungfrau.jpg/640px-Jungfrau.jpg&w=640&q=50)
Jungfraujoch
From Wikipedia, the free encyclopedia
Jungfraujoch er eit fjellpass mellom fjella Mönch og Jungfrau i Berneralpane, på grensa mellom dei sveitsiske kantonane Bern og Valais. Meir nøyaktig er det det lågaste punktet på ryggen mellom dei to fjella, og det ligg på 3 471 moh.
![Thumb image](http://upload.wikimedia.org/wikipedia/commons/thumb/6/6a/Jungfrau.jpg/320px-Jungfrau.jpg)
Den eine endestasjonen til Jungfraubanen er plassert like over passet og ber same namn som dette. Stasjonen ligg på 3 454 moh. og er med det den høgstliggjande jarnbanestasjonen i Europa. Ein 7,3 kilometer lang tunnel fører opp til stasjonen. I turistreklame blir Jungfraujoch ofte kalla the Top of Europe - toppen av Europa.
Ein heis går opp til toppen av Sphinx, aust for Jungfraujoch. Der finst eit atmosfæreobservatorium, som høyrer til Global Atmosphere Watch, og ei utsiktsplattform.