John Berkeley, 3. baron Berkeley av Stratton

John Berkeley, 3. baron Berkeley av Stratton (1663–27. februar 1697) var ein engelsk admiral.

John Berkeley, 3. baron Berkeley av Stratton
Fødd	1663
Død	27. februar 1697 (33 år)
Statsborgar av	Kongeriket England
Yrke	offiser
Mor	Christiana Riccard
Far	John Berkeley, 1st Baron Berkeley of Stratton

Lord Berkeley (høgre), i lag med Evelyn Pierrepont, 1. hertugen av Kingston-upon-Hull og Charles Boyle, 2. jarlen av Burlington i eit gruppeportrett av Godfrey Kneller.

Han var den andre sonen til John Berkeley, 1. Baron Berkeley av Stratton og overtok tittelen etter faren då den eldste broren Karl, ein kaptein i marinen, døydde.

I desember 1688 vart han kontreadmiral for Royal Navy. Sommaren etter var han viseadmiral i den raude skvadronen under admiral Herbert og kjempa i lag med han i slaget ved Bantry Bay (1. mai 1689). Då Sir John Ashby døydde i juli 1693, vart han admiral i flåten under admiralane Killigrew, Delavall og Shovell. Den 8. juni 1694 tok Lord Berkeley del i åtaket på Brest og bombarderte same året Dieppe og Le Havre.

Sommaren etter, i 1695, utførte Berkeley fleire åtak mot den franske kysten og 4. juli bombarderte han St. Malo. I august gjekk han til åtak på Dunkerque og Calais, men påførte dei berre små skadar.

Kjelder

• Denne artikkelen bygger på «John Berkeley, 3rd Baron Berkeley of Stratton» frå Wikipedia på engelsk, den 28. januar 2012.