![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/36/Men_800m_final_1976_Olympics.jpg/640px-Men_800m_final_1976_Olympics.jpg&w=640&q=50)
Ivo Van Damme
From Wikipedia, the free encyclopedia
Ivo Van Damme (21. februar 1954–29. desember 1976) var ein belgisk mellomdistanseløpar som vann to sølvmedaljar under Sommar-OL 1976.
Ivo Van Damme | |
![]() | |
Statsborgarskap | Belgia |
Fødd | 21. februar 1954 Brussel |
Død |
29. desember 1976 (22 år) |
Yrke | mellomdistanseløpar, friidrettsutøvar |
Høgd | 191 centimeter |
Ivo Van Damme på Commons |
Van Damme fekk sitt internasjonale gjennombrot då han tok sølvmedaljen på 800 meter under innandørs-EM i friidrett 1975 i polske Katowice. Seinare i 1975 slo han den 20 år gamle landsrekorden til Roger Moens.
Våren 1976 sigra Van Damme på 800 meter ved innandørs-EM i München. To veker framom Sommar-OL i Montreal forbetra han den belgiske 1500 meters-rekorden til 3.36,2, og melde seg såleis på i favorittsjiktet også på den distansen. Under sommarleikane var han i realiteten sjanselaus mot kubanaren Alberto Juantorena på oppløpssida på 800 m. Juantorena fekk tida 1.43,50, medan Van Damme kom i mål til sølvmedalje på 1.43,86, belgisk rekord til denne dag (2016). Seks dagar etter 800-meteren tok Van Damme ein ny sølvmedalje, på 1500 meter kom han i mål like bak John Walker frå New Zealand og tett framom vesttyskaren Paul-Heinz Wellmann.
Van Damme omkom romjula 1976 i ei bilulukke ved Bollène i Sør-Frankrike, på veg heim frå ein treningsleir.