It's Five O'Clock

It's Five O'Clock er det andre studioalbumet til det greske progrockbandet Aphrodite's Child. Det kom ut i oktober 1969.

It's Five O'Clock Studioalbum av Aphrodite's Child
Språk	engelsk
Utgjeve	Oktober 1969
Innspelt	Trident Studios i London
Sjanger	Progressiv rock
Lengd	35:01
Selskap	Polydor Records
Produsent	Aphrodite's Child
Aphrodite's Child-kronologi
End of the World (1968)	It's Five O'Clock	666 (1972)

Meldingar
Karakter
Kjelde	Karakter
Allmusic	lenkje

Albumet vart spelt inn i London i 1969. Den første singelen frå albumet, «Let Me Love, Let Me Live», kom ut i oktober 1969 og gjekk til topps i Frankrike, medan B-sida «Marie Jolie» vart mest populær i resten av Europa. Tittelsporet «It's five o'clock» kom ut i desember 1969 og gjorde det òg godt i mange europeiske land.^[1]

Kort tid etter albumet kom ut la bandet ut på turné i Spania og Italia, men utan Vangelis som føretrekte å halde seg i studio. For å erstatte Vangelis på scenen henta bandet inn grekaren Harris Khalkitis. I mellomtida arbeidde Vangelis med det første soloprosjektet sitt, filmmusikken til Henry Chapier-filmen Sex Power.

Richie Unterberger frå Allmusic skildrar albumet som både eit framhald av debutplata End of the World frå 1968, og eit steg til sides. Somme av songane hadde passa fint inn på det første albumet, medan andre songar går i nye retningar, som «Wake Up», den psykedeliske power-pop-låten «Let Me Love, Let Me Live», countryrock-låten «Take Your Time» og den grusete vaudeville-aktige soulsongen «Good Time So Fine».^[2] «Funky Mary» er eksperimenten soulrock med fasa vokal akkompagnert av trommer som nesten fungerer som musique concrète i lag med latinafrikanske bongotrommer og jazzaktig vibrafon. Ein av dei mest sukkersøte songane er «Marie Jolie», av Unterberger skildra som ein popballade med kjensler av gondolballade frå Middelhavet med trekkspelsolo.^[2]

Innhald

Side ein

Nr.	Tittel	Låtskrivar(ar)	Lengd
1.	«It's Five O'Clock»	Richard Francis, Vangelis Papathanassiou	3:31
2.	«Wake Up»	Richard Francis, Vangelis Papathanassiou	4:04
3.	«Take Your Time»	Richard Francis, Vangelis Papathanassiou	2:39
4.	«Annabella»	Richard Adams, Demis Roussos	3:45
5.	«Let Me Love, Let Me Live»	Richard Francis, Loukas Sideras	4:43

Side to

Nr.	Tittel	Låtskrivar(ar)	Lengd
6.	«Funky Mary»	Richard Francis, Vangelis Papathanassiou	4:11
7.	«Good Time So Fine»	Valerie Johnson, Vangelis Papathanassiou	2:45
8.	«Marie Jolie»	Richard Francis, Vangelis Papathanassiou	4:41
9.	«Such a Funny Night»	Richard Francis, Vangelis Papathanassiou	4:34

Medverkande

• Demis Roussos: Bass, gitar, vokal
• Vangelis: Bass, klaverinstrument
• Lucas Sideras: Trommer, perkusjon

Kjelder

1. «It's Five O'Clock». Vangelis Movements. Henta 4. september 2014.
2. http://www.allmusic.com/album/its-five-oclock-mw0000470080