gresk skodespelar From Wikipedia, the free encyclopedia
Irene Papas (3. september 1929 som Irini Lelekou–14. september 2022) var ein gresk skodespelar og stundom songar. Ho spelte i over 70 filmar i ein karriere som varte meir enn femti år.
| Irene Papas | |||
 i The Trojan Women (1971) | |||
| Fødd | 3. september 1929 | ||
|---|---|---|---|
| Fødestad | Khiliomodi i Korinth i Hellas | ||
| Død | 14. september 2022 (93 år) | ||
| Dødsstad | Kifisiá | ||
| Fødenamn | Ειρήνη Λελέκου | ||
| Aktive år | 1948–2003 | ||
| Verka som | skodespelar, songar, filmregissør | ||
| Ektefelle | Alkis Pappas, José Kohn | ||
| Sambuar | Marlon Brando | ||
| Prisar | National Board of Review Award for Best Actress, kommandør av Ordre des Arts et des Lettres, kommandør av Føniksordenen, kommandør av Alfons X den klokes orden, æresdoktor ved Tor Vergata Universitet | ||
Papas byrja den tidlege karrieren hennar i Hellas, oppdaga av Elia Kazan, og vart kjend i heimlandet, før ho spelte i internasjonale filmar som Kanonene ved Navarone og Zorba, og kritikarroste filmar som Z og Electra. Ho har fleire gonger spelt kvinner frå tragdiar frå antikken, som Helena i The Trojan Women, Clytemnestra i Iphigenia, Electra og Antigone. Ho spelte rolla som Katarina av Aragon i filmen Anne of the Thousand Days, i lag med Richard Burton og Geneviève Bujold i 1969. I The Trojan Women spelte ho mot Katharine Hepburn.
I 1976 spelte ho i filmen Mohammad, Messenger of God (òg berre kjend som The Message) om opphavet til islam og meldinga til Mohammed. Ein av dei siste filmane ho spelte i var Captain Corelli's Mandolin. Ho arbeider i dag i teateret i Portugal.
I 1978 samarbeidde Papas med Vangelis i ei elektronisk utgåve av åtte greske folkeviser, gjeve ut på ei plate kalla Odes. Dei samarbeidde igjen i 1986 med Rhapsodies, ei elektronisk utgåve av sju bysantinske salmer. Ho har òg gjeve ut albumet Songs of Theodorakis i 1969, alle sunge på gresk. I 1970 gjesta ho på albumet 666 av den greske rockegruppa Aphrodite's Child på sporet «∞» (uendeleg). Ho roper «I was, I am, I am to come» om att og om att. Sporet vart rekna for utuktig av plateselskapet og førte til at albumet vart halde attende i to år før det endeleg kom ut i 1972. Sporet skapte furore i Hellas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
