innsjø i Finland og Sverige From Wikipedia, the free encyclopedia
Kilpisjärvi (eller Gilbbesjävri, nordsamisk: Gilbbesjávri) er ein innsjø på grensa mellom Finland og Sverige. Han ligg i den nordvestre delen av Enontekis kommune ved staden Kilpisjärvi i den finske armen i Lappland i det nordvestlegaste Finland. På den svenske sida ligg sjøen i Kiruna kommun i Norrbottens län (Lappland).
Kilpisjärvi | |||
innsjø | |||
Kilpisjärvi sett frå den finske sida | |||
Land | ![]() | ||
---|---|---|---|
Høgd over havet | 473 moh. | ||
Areal | 37,33 km² | ||
Største djupn | 57 m | ||
Volum | 0,73 km³ | ||
![]() Innsjøen Kilpisjärvi 69.0172102°N 20.8212957°E | |||
Wikimedia Commons: Lake Kilpisjärvi | |||
Kilpisjärvi ligg i Dei skandinaviske fjella. På den finske sidan ligg fjelltoppane rundt 300–550 meter, og på den svenske sidan rundt 300 meter over vassflata. Strendene er tørre, karrige og steinete. Det mest kjente fjellet ved sjøen er Saana.
Kilpisjärvi er todelt, og vert delt av eit sund ved Salmivaara i den nordlege (øvre) Ylinen Kilpisjärvi (nordsamisk: Bajit Gilbbesjávri) og i den sørlege (nedre) Alanen Kilpisjärvi eller Alajärvi (Vuolit Gilbbesjávri eller Vuolle-Gilbbesjávri). Innsjøen har utløp gjennom Könkämä älv, Muonio älv og endeleg Torne älv til Bottenviken.
Kilpisjärvis samanlagte overflate utgjer 37 kvadratkilometer.[1] Den største djupna på 57 meter ligg i den sørlege delen. I den nordlege delen er den største djupna på 47 meter.[2] Gjennomsnittleg djupne er 19,5 meter.[3] Innsjøen er islagt til slutten av mai og sjøen frys til i byrjinga av november.[4]
Harr, røye, sik og aure er dei viktigaste fiskeartane i Kilpisjärvi.[5] Siken er utplassert i sjøen. Kilpisjärvi er ikkje eit godt fiskevatn. eit teikn på detta ser ein i den årlege sportsfiskekonkurransen Vain kaksi kalaa (Berre to fiskar), som vert arrangert i byrjinga av mai. Trass i deltakartalet på fleire tusen våren 2006, resulterte konkurransen i null fanga fisk som oppfylte måla i høve til konkurransereglane.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.