![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2c/Inishmurray_Teampall_Molaise_N_2007_08_22.jpg/640px-Inishmurray_Teampall_Molaise_N_2007_08_22.jpg&w=640&q=50)
Inishmurray
From Wikipedia, the free encyclopedia
Inishmurray (òg kalla Inismurray, 'Øya til Muiredach') er ei øy om lag 7 km utanfor kysten av County Sligo i Republikken Irland. Ho har eit areal på 0,9 km². På øya ligg det ruinar av eit tidleg irsk kloster. St. Molaise grunnla klosteret her på 500-talet. Klosterbusetnaden vart plyndra to gonger av vikingar, først i 795, som òg er det første dokumenterte åtaket av vikingar på Irland, og seinare i 807. Same året vart Rathlin Island og Inisbofin åtaka, mogelegens av dei same vikingane.
Inishmurray | |
---|---|
![]() | |
Geografi | |
Stad | Atlanterhavet |
Koordinatar | 54°26′N 8°40′W
|
Areal | 0,9 km²
|
Administrasjon | |
Land | Republikken Irland |
Grevskap | Sligo
|
Demografi | |
Folketal | 0 |
Yttermuren er imponerande med ei høgd på 4,5 meter på det høgaste og ein tjukkleik på opp til 3 meter. Det er i tillegg fleire bygg tilknytte klosteret, som eit bedekammer med steintak, to kyrkjer, ein clochan, ei stor sekskanta celle og andre ruinar. Heile komplekset er bygd av lokal kalkstein.
Innbyggjartalet var i 1880-åra på det høgaste med like over 100 innbyggjarar, men dei siste flytta til fastlandet i november 1948. Nokre bygningar står framleis att, inkludert 15 hus og den einaste skulen på øya.