Helgeroa

58°59′38″N 9°51′46″E

Helgeroa
stad
Land	Noreg
Fylke	Vestfold
Kommune	Larvik
Postnummer	3295 HELGEROA
Preposisjon	i Helgeroa
Ferdselsårer	301 302
Helgeroa 58.993888888889°N 9.8627777777778°E / 58.993888888889; 9.8627777777778
Wikimedia Commons: Helgeroa

Helgeroa er ei bygd sørvest i Larvik kommune i Vestfold, på austsida av Langesundsfjorden. SSB reknar i sin statistikk Helgeroa og Nevlunghamn som ein samanhengande tettstad. Tettstaden Helgeroa/Nevlunghamn har 1 984 innbyggjarar per 1. januar 2023 ^[1].

Kart over Helgeroa frå 1811

Om sommaren er Helgeroa ein populær feriestad med mellom anna Blokkebukta badestrand og tre campingplassar. Tidlegare var det losstasjon her. I Helgeroa har Sjøkartverket ein målestasjon for vasstand med opplysninger frå attende til 1965.

Det går ferje som tek passasjerar og syklar frå Helgeroa via Arøya til Langesund på vestsida av fjorden.

Helgeroa hamn ligg i le for Skagerrak på nordsida av rullesteinstangen Mølen. Frå Mølen går det store raet med Ravegen gjennom Vestfold. På grunn av vanskeleg terreng, mellom anna i Langangen, var det lenge overgang frå landevegs- til sjøvegstransport i Helgeroa. Frå Helgeroa vart reisande ført med båt anten innover Langesundsfjorden og Frierfjorden eller vestover til byane på Agder.

Før Brevikbrua vart opna i 1961 var ferjestrekninga Langesund-Helgeroa eit viktig samband for landevegstrafikk mellom Austlandet og Sørlandet.

Anjushuset ligg i Helgeroa.

Kjelder

1. SSB: Tettsteder. Folkemengde og areal, etter kommune., arkivert frå originalen 22. august 2008, henta 13. oktober 2008

• Denne artikkelen bygger på «Helgeroa» frå Wikipedia på bokmål, den 13. oktober 2008. Der vart denne kjelda gjeven:

• Om Helgeroa på nettstaden helgeroa.no

Bakgrunnsstoff

• Eldre fotografi frå Helgeroa på nettstaden til Nasjonalbiblioteket