Gerhard Nenning (29. september 1940–22. juni 1995) var ein austerriksk alpin skirennar frå Lech i Vorarlberg som sikra seg tre VM-medaljar i tida 1962-64. Vinteren 1968 vann han FIS-pokalen som beste utforkøyrar i verdscupen i alpine greiner.
Gerhard Nenning | |
![]() | |
Statsborgarskap | Austerrike |
Fødd | 29. september 1940 Lech |
Død | |
Yrke | alpinist, racerbilfører |
Høgd | 174 centimeter |
Gerhard Nenning på Commons |
Nenning deltok i alle øvingane under VM 1962 i Chamonix. Han tok bronsemedaljen i slalåm, bak Charles Bozon og Guy Périllat frå arrangørlandet Frankrike, og vart høvesvis nummer fem og åtte i utfor og storslalåm. Samanlagt gav desse prestasjonane han sølvmedaljen i kombinasjonen.
To år seinare fekk Nenning eit nytt VM-sølv i kombinasjon, då for sine plasseringar under OL 1964 i Innsbruck. Kombinasjonen stod ikkje på det olympiske programmet, FIS baserte øvinga på kva utøvarane hadde oppnådd i OL-greinene, der Nenning vart nummer seks i storslalåm og nummer sju både i slalåm og utfor.
Nenning kom på sjuandeplass i utfor då VM i alpine greiner 1966 vart avvikla i Portillo i Chile. OL-sesongen 1968 vann han tre utforrenn i verdscupen i alpine greiner; fyrst i Wengen, så i Kitzbühel og til sist i Aspen i Colorado. Under vinterleikane i Grenoble vart han nummer åtte i storslalåm og ni i utfor.
Nenning la opp som aktiv alpinist i 1970.
- Sportsboken, aktuelle årgangar
- Denne artikkelen bygger på «Gerhard Nenning» frå Wikipedia på tysk, den 14. desember 2014.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.