Georgetown på Ascension

Georgetown er hovudstad og største tettstaden på Ascension i det britiske territoriet St. Helena, Ascension og Tristan da Cunha. Georgetown ligg vest på øya, ved Clarence Bay og under Cross Hill Han har 200-500 innbyggjarar, og er for ein landsby å rekna. Det finst ei hamn og ein militæflyplass, Wideawake Airfield, her. Georgetown har og ein pir og strender like ved.

Georgetown
Georgetown i 2011 Georgetown i 2011
Styresmakter
Land Britisk oversjøisk territorium Øy	Storbritannia St. Helena, Ascension og Tristan da Cunha Ascension
Geografi
Innbyggjarar	ca. 450 (2008)
Innbyggjarar  - By (2008)	450, 479
Tidssone	GMT (UTC+0)
Plassering
Georgetown på Ascension. Georgetown på Ascension.

I sentrum for busetnaden ligg St Mary's Church og Exile's Club, begge bygd på 1830-talet. I tillegg har Georgetown ein annan klubb, The Saints Club, butikk, postkontor, politi- og tinghus, sjukehus, tannlegekontor, bibliotek og stadion. Georgetown Hall frå rundt 1900 er eit forsamlingshus som tidlegare blei brukt til filmframsyningar og no blir brukt til bowling.

Georgetown blei grunnlagd rundt 1815, då britane anla ein liten garnison der. Staden blei lenge kalla «Garrison». På kong Georg III av Storbritannia sin fødselsdag den 3. april 1829 fekk staden namnet «Georgetown». I 1830 blei busetnaden flytta til eit høgareliggjande område der han ligg i dag.

Det er bygd fleire festningar i og ved Georgetown. Restane av ein av dei, Fort Bedford, ligg på Cross Hill, og var i bruk under andre verdskrigen. Ein annan tidlegare festning er gjort om til museum.

Bakgrunnsstoff

• Historia til Ascension^{[daud lenkje]} ved heritage.org.ac
  • Bilete av Georgetown Arkivert 2009-01-06 ved Wayback Machine. no og i 1950 ved heritage.org.ac
  • A Guided Tour Round the History of Georgetown Arkivert 2013-08-20 ved Wayback Machine. ved heritage.org.ac
• Kart over Georgetown ved hmshood.com
• Bilete av Georgetown ved travel-images.com

Kjelder

• «Ascension», 1911 Classic Encyclopedia
• «Georgetown, Ascension Island United Kingdom» Arkivert 2016-03-10 ved Wayback Machine., cruisereport.com
• The History of St. Mary's Part 1 Arkivert 2012-07-17 ved Wayback Machine., heritage.org.ac
• Royal Marine Commandants of Ascension Island, oocities.org
• «Georgetown» Arkivert 2016-03-04 ved Wayback Machine., thechickens.co.uk
• The Forts on Ascension Island Arkivert 2012-06-20 ved Wayback Machine., trifter.com

7°55′45″S 14°24′45″W