Georg Arnfinn Andersen (fødd 7. januar 1963) er ein norsk politimann og tidlegare kulestøytar og diskoskastar frå Arendal. Han vann bronsemedaljen i kulestøyt under EM i friidrett 1990. Mellom 1987 og 1995 vart han fire gongar noregsmeister i kulestøyt, både i 1988 og 1990 fekk han kongepokalen for beste prestasjon under meisterskapen. I sine år som friidrettsutøvar representerte han både Idrettsklubben Grane, Idrettsklubben Tjalve og Urædd. Han er far til friidrettsutøvaren Stian Andersen.
Georg Andersen | |
Statsborgarskap | Noreg |
Fødd | 7. januar 1963 (61 år) Arendal |
Idrett | friidrett, kulestøyt |
Tok del i | Sommar-OL 1988 |
Utmerkingar | Kongepokal, Kongepokal |
Aktiv
Andersen deltok i fleire internasjonale meisterskap frå 1986 av. Etter gode plasseringar i innandørsmeisterskap, tok han bronsemedaljen under EM i friidrett i Split på seinsommaren 1990. Med eit kast på 20,71 m var han nær sitt toppnivå og kunne lite gjere med austtyskarane Ulf Timmermann og Oliver-Sven Buder.
Under VM i friidrett 1991 i Tokyo vart Andersen tildelt sølvmedaljen i kulestøyt, men mista medaljen då han testa positivt for doping. Den positive testen på anabole steriodar kom etter ei prøve han gav over ein måned før VM-tevlingane i Tokyo.
Han gjorde comeback etter at utestenginga var over og kvalifiserte seg til VM i Göteborg i 1995, men makta ikkje kvalfisere seg til finalen. Etter 1996-sesongen la han opp.
Medaljar og plasseringar i internasjonale meisterskap
Medaljar norske meisterskap
- 1983: Bronse i diskos
- 1984: Bronse både i kule og i diskos
- 1985: Sølv i diskos
- 1986: Sølv i diskos og bronse i kule
- 1987: Gull i kule og bronse i diskos
- 1988: Gull i kule; kongepokal for vinnarstøytet på 20,63 m
- 1989: Sølv i kule
- 1990: Gull i kule; kongepokal for vinnarstøytet på 20,80 m
- 1995: Gull i kule
Sin personlege rekord i kulestøyt på 20,86 meter sette Andersen i Malmö i 1990, men innandørs har han støytt 20,98 m. Hans pers i diskoskast er på 62,10 meter og frå 1986.
Kjelder
Bakgrunnsstoff
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.