Gaula i Trøndelag
From Wikipedia, the free encyclopedia
From Wikipedia, the free encyclopedia
Gaula er ei elv som renn ut ved Gaulosen i Leinstrand i Trøndelag. I sør startar ho frå innsjøen Gaulhåen i Holtålen kommune. Gaulhåen har tilsiget sitt frå Kjølifjellet (1288 moh.), som er grensefjell mellom Tydal og Holtålen. Viktige sideelver til Gaula er Rugla, med utløp frå Ruglsjøen i Røros kommune, Hesja og Hulta i Holtålen, Forda, Bua og Sokna i Midtre Gauldal og Lundesokna i Melhus kommune, og desse dannar ei stor og kjend lakselv som munnar ut i Trondheimsfjorden ved Sundet Gård i skiljet mellom Leinstrand og Byneset i Trondheim kommune. Gaula er ca. 145 km lang.
I 2005 var Gaula beste norske lakseelv med eit oppfiska kvantum på 37,5 tonn.
Elva var lenge utsett for forureining (avrenning) frå gruvene Muggruva, Kjøli gruver, Killingdal gruver og gruvesjakta i Bjørgåsen. På 1980- og -90-talet vart det gjort omfattande tiltak ved Kjøli og Killingdal gruver, noko som har redusert forureininga av tungmetall kraftig.
Gaula-vassdraget vart varig verna av Stortinget i 1985 i medhald av Verneplan III for vassdrag etter å ha vore behandla i Sperstad-utvalet.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.