![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/Goran_Persson%252C_Sveriges_statsminister%252C_under_nordiskt_statsministermotet_i_Reykjavik_2005.jpg/640px-Goran_Persson%252C_Sveriges_statsminister%252C_under_nordiskt_statsministermotet_i_Reykjavik_2005.jpg&w=640&q=50)
Göran Persson
svensk politikar / From Wikipedia, the free encyclopedia
Hans Göran Persson (fødd 20. januar 1949) er ein svensk politikar. Frå mars 1996 til 6. oktober 2006 var han statsminister i Sverige. Han var partileiar for socialdemokraterna frå 1996 til 2007. Mellom 1985 og 1989 var han ordførar i Katrineholms kommun i Södermanlands län. I 1989 vart han undervisingsminister fram til 1991, då socialdemokraterna tapte valet. Etter at dei kom tilbake til makta i 1994, vart han utnemnd til finansminister, fram til 1996, då han avløyste Ingvar Carlsson som statsminister.
Göran Persson | |||
![]() | |||
Fødd | 20. januar 1949 (75 år) Vingåker | ||
---|---|---|---|
Statsborgar av | Sverige | ||
Parti | Sveriges socialdemokratiska arbetareparti | ||
Yrke | politikar | ||
Utdanna ved | Örebro universitet | ||
Ektefelle | Anitra Steen, Annika Barthine | ||
Verv | Statsminister i Sverige 1996+2006 | ||
Føregangar | Ingvar Carlsson | ||
Etterfylgjar | Fredrik Reinfeldt | ||
Alle verv |
|
Som politikar er Persson kjend som ein retorisk talar.[1] Han skriv sine eigne talar, og ofte skriv han ikkje talar i det heile teke før han entrar scena. Han er også kjent for den tøffe leiarskapen sin. Som byrådsmedlem i Katrineholms kommun fekk han kallenamnet «HSB» – ‘han som bestämmer’.[2] Kallenamnet viser elles til bustadføretaket Hyresgästernas sparkasse- och byggnadsförening.
Göran Persson fekk den internasjonale miljøutmerkinga Sofie-prisen i 2007 for kamp mot klimakrisa gjennom politiske miljøtiltak i Sverige.[3] Sidan 2007 har Persson arbeidd som senior advisor for det nordiske kommunikasjonsrådgjevingsføretaket JKL Group.
Persson er gift med Anitra Steen, som tidlegare var direktør i Systembolaget.