![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a9/Olympic_rings_with_white_rims.svg/langnn-640px-Olympic_rings_with_white_rims.svg.png&w=640&q=50)
Friidrett under Sommar-OL 2004
From Wikipedia, the free encyclopedia
Friidrettsøvingane under Sommar-OL 2004 i Aten vart avvikla i tida 18. til 28. august 2004. Det vart tevla i 46 øvingar, 24 for menn og 22 for kvinner. 1995 utøvarar frå 196 land deltok i tevlingane. Dei fleste tevlingane fann stad på Olympiastadion der det var plass til nær 70 000 tilskodarar. Maraton-tevlingane tok til i Marathonas med inngang på Panathinaïkó Stádio, kappgang gjekk føre seg i gatene i Aten, medan dei to kuletevlingane vart haldne på den staden der dei olympiske tevlingane vart avvikla under antikken.
![Thumb image](http://upload.wikimedia.org/wikipedia/commons/thumb/a/a9/Olympic_rings_with_white_rims.svg/640px-Olympic_rings_with_white_rims.svg.png)
![Thumb image](http://upload.wikimedia.org/wikipedia/commons/thumb/a/a5/Panathinaiko.jpg/320px-Panathinaiko.jpg)
Under friidretts-tevlingane vart det sett ein verdsrekord, medan ein annan vart tangert. Jelena Isinbajeva frå Russland forbetra sin eigen stavhopp-rekord til 4,91 m, og med 12,91 tangerte kinesaren Liu Xiang verdsrekorden på 110 m hekk. Dessutan vart åtte olympiske rekordar forbetra, like mange for kvinner som for menn.