![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a9/Olympic_rings_with_white_rims.svg/langnn-640px-Olympic_rings_with_white_rims.svg.png&w=640&q=50)
Friidrett under Sommar-OL 1992
From Wikipedia, the free encyclopedia
Friidrettsøvingane under Sommar-OL 1992 i Barcelona vart avvikla i tida 31. juli til 9. august 1992. Det vart tevla i 43 øvingar, 24 for menn og 19 for kvinner. 1725 utøvarar frå 156 land deltok i tevlingane. Tevlingane vart avgjorde på Estadi Olímpic Lluís Companys. Alle øvingane fann stad, eller tok til og slutta, på friidrettstadion. Martatonløypa starta ved Mataró, om lag 30 km i luftlinje frå olympiastadion, men enda på olympiastadion.
![Thumb image](http://upload.wikimedia.org/wikipedia/commons/thumb/a/a9/Olympic_rings_with_white_rims.svg/640px-Olympic_rings_with_white_rims.svg.png)
![Thumb image](http://upload.wikimedia.org/wikipedia/commons/thumb/3/3c/BCN-EstadiOlimpic-4860.jpg/640px-BCN-EstadiOlimpic-4860.jpg)
Tre av verdsrekordane vart rokka under leikane i Barcelona. Den 6. august flytta Kevin Young frå USA verdsrekorden på 400 meter hekk til 46,78 sekundar, ein rekord som har vorte ståande til dags dato (22.8.2015). To dagar seinare forbetra dei USA-amerikanske sprintarane verdsrekordane både på 4 x 100 m stafett og på 4 x 400 m stafett. Carl Lewis, Dennis Mitchell, Leroy Burrell og Michael Marsh kom i mål etter 37,40 sekundar, medan Andrew Valmon, Quincy Watts, Michael Johnson og Steve Lewis brukte 2.55,7 på den lange stafetten.