![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Flag_of_legion.svg/langnn-640px-Flag_of_legion.svg.png&w=640&q=50)
Framandlegionen
From Wikipedia, the free encyclopedia
Framandlegionen (fransk Légion Étrangère) er ei militæreining i den franske hæren. Han vart danna i 1831 i fransk Nord-Afrika etter juli-revolusjonen i Frankrike. Legionen vart danna fordi utanlandske friviljuge ikkje lenger kunne verve seg til det ordinære militæret.
![Thumb image](http://upload.wikimedia.org/wikipedia/commons/thumb/9/94/Flag_of_legion.svg/320px-Flag_of_legion.svg.png)
![Thumb image](http://upload.wikimedia.org/wikipedia/commons/thumb/2/2b/French_Foreign_Legion_dsc06878.jpg/640px-French_Foreign_Legion_dsc06878.jpg)
Dei fleste offiserane i Framandlegionen er franske, men dei meinige er samansett av mange forskjellige nasjonalitetar (mellom anna franskmenn). Etter å ha tenestegjort i legionen i tre år kan legionæren søkje om fransk statsborgarskap. Alle legionærar blir innrullert under pseudonym, men kan få tilbake den opphavlege identiteten sin etter eitt år ved å gjennomgå «régularisation de situation militaire» (RSM). Berre legionærar som har gjennomgått RSM kan få fransk statsborgarskap.
I hovudsak var Legionen eit prosjekt for å utvide det Franske koloniale imperium på 1800-talet. Legionen har også hatt ein stor rolle i krigar med andre europeiske stormakter i krigar som 1. og 2. verdskrig.
Tidlegare hadde Framandlegionen eit rykte for å tiltrekkje seg leigesoldatar og rømlingar. I dei seinare år har rekrutteringa til legionen blitt avgrensa og det blir gjort bakgrunnssjekk på alle søkjarar.
Det noverande hovudkvarteret ligg i Aubagne, like utanfor Marseille.