Flüelapasset
From Wikipedia, the free encyclopedia
Flüelapasset er ein fjellovergang i kantonen Graubünden i Sveits. Fjellvegen, som går opp i 2 383 meter over havet, knyter saman Davos i dalen Landwassertal med Susch i Nedre Engadin.
Køyrevegen over Flüelapasset vart bygt 1866-67.
Vegen over Flüelapasset er vinterstengd frå november til mai. Fram til 1999 var vegen heilårsveg, men sidan den nærliggjande Vereinatunnelen vart opna i 1999 har fjellvegen vore stengd om vinteren, ettersom strekninga er utsett for snøras.