From Wikipedia, the free encyclopedia
Fingeravtrykk er avtrykk av det linemønsteret som finnst på innsida av ytste leddet på fingrar hjå menneske. Kvart einskild menneske får sitt heilt eige mønster på fosterstadiet, og dette held seg uendra heile livet. Det har aldri vorte oppdaga to personar med like fingeravtrykk, heller ikkje hjå einegga tvillingar. Difor er bruk av fingeravtrykk rekna som ein trygg metode for å identifisere eit menneske, og for å verifisere at eit menneske er rette vedkomande. Leiting etter, og dokumentasjon av fingeravtrykk på åstaden for illgjerningar har i lange tider vore nytta som ein viktig lekk i oppklaring av lovbrot, og samanfall mellom mønsteret i dei fingeravtrykka som vert funne og mønsteret på fingrane til ein mistenkt, er jamt over godteke som prov i rettssakar. I Noreg var det fengselsdirektør og lege Anders Daae (1838–1910) som fekk fingeravtrykk inn som ein reiskap i kriminalteknikken.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.