![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Ernest_Gellner_2.jpg/640px-Ernest_Gellner_2.jpg&w=640&q=50)
Ernest Gellner
From Wikipedia, the free encyclopedia
Ernest André Gellner (9. desember 1925–5. november 1995) var ein tsjekkoslovakisk-britisk filosof, sosiolog og sosialantropolog av jødisk-kulturell bakgrunn.
Ernest Gellner | |||
![]() | |||
Fødd | Ernest André Gellner 9. desember 1925 Paris, Montrouge | ||
---|---|---|---|
Død | 5. november 1995 Praha | ||
Nasjonalitet | Storbritannia, Det sameinte kongeriket Storbritannia og Irland | ||
Område | politisk filosofi, vitskapsteori, Sosialantropologi, sosiologi | ||
Yrke | filosof, antropolog, professor, sosiolog, statsvitar, essayist | ||
Institusjonar | London School of Economics University of Edinburgh Central European University | ||
Alma mater | Balliol College St Albans School | ||
Medlem | British Academy American Academy of Arts and Sciences |
Som professor i teoretisk filosofi, logikk og vitskapleg metode ved London School of Economics (LSE) i 22 år (1962-83), professor i sosialantropologi ved University of Cambridge i åtte år, og til sist som rektor ved det nye Senter for studiar av nasjonalisme i Praha, stridde Gellner all sin dag, gjennom skrift, undervisning og politisk aktivisme mot det han oppfatta som lukka tankesystem. I særleg grad gjaldt det kommunisme, psykoanalyse, relativisme og marknadsdiktatur.
Gellner er kjend som den fremste talsmannen for den modernistiske identitets- og nasjonalitetsteorien. Han var lærar til Anthony D. Smith, han som seinare vart grunnleggjar av den skulen som hevda synspunkt tvert i mot Gellner.