![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d1/Cypr%25C3%25A8s.jpg/640px-Cypr%25C3%25A8s.jpg&w=640&q=50)
Ekte sypress
planteart i sypress-slekta / From Wikipedia, the free encyclopedia
Ekte sypress eller middelhavssypress (Cupressus sempervirens) er eit høgt, slankt bartre av sypress-slekta i sypressfamilien. Den opphavlege varianten (Cupressus sempervirens var horizontalis) er frå Kreta, Egearhavet og kysten av Tyrkia.
Ekte sypress | |
![]() Ekte sypress | |
Utbreiing og status | |
Status i verda: ![]() ![]() Utbreiinga av ekte sypress | |
Systematikk | |
Rike: | Planteriket Plantae |
Rekkje: | Bartre Pinophyta |
Klasse: | Pinopsida |
Orden: | Furuordenen Pinales |
Familie: | Sypressfamilien Cupressaceae |
Underfamilie: | Cupressoideae |
Slekt: | Sypresslekta Cupressus |
Art: | Ekte sypress C. sempervirens |
Vitskapleg namn | |
Cupressus sempervirens |
Dei fleste variantar har kulturelt opphav i Midtausten, Tyrkia og Kypros, men sypress veks no også vilt i store bestandar i Italia, Frankrike, Spania og Nord-Afrika.
Treet vert inntil 35 meter høgt, og har konisk, høgreist kroneform. Treet kan verta 1 000 år gammalt, og dei halvcentimeter lange hannkonglane slepp frå seg pollen allereie i februar-mars. Dei 4 cm lange hokonglane er brune og runde med få, tillukka skjel.
Variantar med oppoverveksande greiner og ekstra slank form vert kalla festigiate (eller festigiata). Dette er populære park- og allétre òg i tempererte strøk som Sør-Afrika, Australia, USA, Canada, Storbritannia og sørlege Norden.
Nokre av dei vanlegaste variantane er:
- * Cupressus sempervirens var. horizontalis (opphavleg, truga)
- * Cupressus sempervirens var. sempervirens
- * Cupressus sempervirens var. festigiata (oppreist, slank variant)
- * Cupressus sempervirens var. stricta (oppreist, konisk variant)
Sypress er er mykje av eit landemerke for landskapet i middelhavsregionen, ikkje minst i Italia. Han er òg ein kulturplante som vart dyrka som allétre sidan Romarriket. Ei rekkje kunstmålarar har måla landskap med høgreiste og oppoverveksande sypressar under opphald i Italia og andre middelhavsland.