![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/31/Edit_de_Nantes_Avril_1598.jpg/640px-Edit_de_Nantes_Avril_1598.jpg&w=640&q=50)
Ediktet i Nantes
From Wikipedia, the free encyclopedia
Ediktet i Nantes (Det nantiske ediktet) var eit lovpåbod utskrive av kong Henrik IV av Frankrike i Nantes den 13. april 1598.
![Thumb image](http://upload.wikimedia.org/wikipedia/commons/thumb/3/31/Edit_de_Nantes_Avril_1598.jpg/640px-Edit_de_Nantes_Avril_1598.jpg)
Ediktet gjorde kjent at dei franske hugenottanee hadde vern mot overgrep og undertrykking, og gjorde samstundes katolisismen til statsreligion i Frankrike. Kongen hadde sjølv vore protestant, men for å bli anerkjent som konge av Frankrike hadde han konvertert til katolisismen. Utsegna «Paris er ei messe verd», skal Henrik ha sagt ved det høvet.
I følgje ediktet fekk hugenottane rett til å halde gudstenester visse stader, og som ein garanti for at rettane deira skulle respekterast fekk dei halde kring hundre befesta tryggleiksstader. Hugenottane fekk òg rett til å inneha embete. Ediktet vart oppheva i 1685 under Ludvig XIV av Frankrike med ediktet i Fontainebleau og førte til auka fiendskap og bortdriving av hugenottane.