Den raude moskeen
From Wikipedia, the free encyclopedia
Den raude moskeen (Urdu لال مسجد; Lal masdjid) i Islamabad er ein salafistisk moské som har vore senter for radikale islamistar og innblanda i fleire konfliktar mellom fundamentalistar og sekulære i Pakistan. To religiøse skular, ein for gutar og ein for jenter, er tilknytt moskeen; jenteskulen er del av det same bygningskomplekset.
![Thumb image](http://upload.wikimedia.org/wikipedia/commons/thumb/2/23/Location_of_Lal_Masjid_in_Islamabad.jpeg/320px-Location_of_Lal_Masjid_in_Islamabad.jpeg)
I juli 2007 var Den raude moskeen åstad for ei blodig konflikt der islamistar forskansa seg med gissel. Etter langvarige forhandlingar, der eit stort tal menneske overgav seg eller blei sleppte fri, blei moskeen storma den 10. juli 2007 av den pakistanske hæren. Over 100 menneske døydde.