Den guddomlege liturgien
From Wikipedia, the free encyclopedia
Den guddomlege liturgien er Den ortodokse kyrkja si nemning for det ein i tradisjonell vestleg kristendom kallar for messe, og står i den bysantiske tradisjonen. I liturgien tilber ein den uforståelege løyndomen Gud (Treeininga) og sameininga av den guddomlege og menneskelege naturen i Jesus Kristus (inkarnasjonen eller ikjøtinga). I Den guddomlege liturgien vert frelseshistoria framstilla og gjennopplevd på ein dramatisk måte. Frelseshistoria omhandlar historia frå då Gud skapte verda, menneska sitt fall, menneska si historie etter fallet, Jesu inkarnasjon og gjerning på krossen og framtida då Gud skal nyskapa verda.