![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3f/Charles_Mingus_1976_cropped.jpg/640px-Charles_Mingus_1976_cropped.jpg&w=640&q=50)
Charles Mingus
From Wikipedia, the free encyclopedia
Charles «Charlie» Mingus (22. april 1922–5. januar 1979) var ein amerikansk jazz-bassist, bandleiar, pianist og ein av dei viktigaste jazzkomponistane rundt midten av 1900-talet.
Charles Mingus | |||
![]() | |||
Fødd | 22. april 1922 | ||
---|---|---|---|
Fødestad | Nogales | ||
Død | 5. januar 1979 (56 år) | ||
Dødsstad | Cuernavaca | ||
Opphav | USA | ||
Aktiv | 1943–1979 | ||
Sjanger | jazz, bebop, postbop, gospel, hard bop, frijazz, avant-garde jazz, Orkestral jazz | ||
Instrument | piano, kontrabass, trombone, cello | ||
Plateselskap | Debut Records, United Artists Records, Impulse!, Columbia Records, Mercury Records, Blue Note, Candid Records, Atlantic Records | ||
Verka som | pianist, komponist, orkesterleiar, dirigent, jazzmusikar, bassist, musikar | ||
Gift med | Sue Mingus, Celia Germanis | ||
Born | Eric Mingus, Charles Mingus III | ||
Prisar | Guggenheim-stipendiet, Grammy Lifetime Achievement Award, Grammy Hall of Fame Award, Grammy Lifetime Achievement Award, Grammy Hall of Fame Award, Grammy Hall of Fame Award |
Mingus blei fødd på ein militærbase i Arizona, men voks stort sett opp i Watts, Los Angeles.
Av albuma til Mingus finn ein blant andre The Clown (1957) og Mingus Ah Um (1959). Han skapte ein heilt eigen, unik form for jazzmusikk og unngikk bevisst å bli plassert i ein kategori.
Charles Mingus opptredde med og spelte inn album med mange av det mest namngjetne i jazzen: Dizzy Gillespie, Miles Davis, Lionel Hampton, Dave Brubeck, Duke Ellington og Charlie Parker.
Mingus leid i periodar av depresjon. Han kunne til tider arbeide frenetisk og skape mykje musikk, men desse periodane blei ofte følgd av ganske lange periodar men minimal produksjon. Han var kjent for å ha eit notorisk dårleg temperament på scenen og det kunne gå ut over både orkestermedlemmene og publikum.
I 1977 fekk Mingus diagnosen ALS – amyotrofisk lateralsklerose – ein motorisk nervesjukdom som innebar att både konsertverksemd og skapande arbeid tok slutt. I 1979 blei hans siste album gitt ut, Mingus, som han gjorde saman med Joni Mitchell. Han døydde før plata var ferdig, men Mitchell la siste hand på verket.