From Wikipedia, the free encyclopedia
Bury St. Edmunds er ein by i Suffolk i England. Han er administrasjonssenter for distriktet St. Edmundsbury.
Bury St. Edmunds | ||
---|---|---|
Guildhall i Bury St. Edmunds | ||
Plassering | ||
Styresmakter | ||
Land | Storbritannia | |
Konstituerande land | England | |
Grevskap | Suffolk | |
Distrikt | St. Edmundsbury | |
Geografi | ||
Innbyggjarar - By (2001) |
35 015 | |
Koordinatar | 52°15′N 0°43′E | |
Diverse annan informasjon | ||
Postnummer | IP28–IP33 | |
Telefon-retningsnummer | 0 1284 | |
Byen er mest kjend for ruinane av St. Edmunds Abbey. Han har sitt noko uvanleg namn etter Edmund Martyren, som i 870 fall i slaget ved Hoxne og vart gravlagt (buried) i abbediet. Byen voks opp rundt abbediet, som vart eit pilegrimsmål; Edmund var ikkje berre ein helgen, men òg den siste angelsaksiske kongen av East Anglia.
I 1214 samla dei engelske baronane seg i Bury St. Edmunds, der dei i kyrkja svor på at dei ville presse kong Johan til å skrive under eit fridomscharter, seinare kjent som Magna Carta.
På 1300-talet oppstod ein stor tekstilindustri i byen. Abbediet vart for det meste øydelagt under oppløysinga av klostra på 1500-talet, men byen var då stor nok til å klare seg utan tilstrøyminga av pilegrimar. Ved den industrielle revolusjonen var byen for avsidesliggande til å nyte godt av den raske utviklinga, og han opplevde difor ein tilbakegang. Han er som følgje av dette i dag enno ein gammaldags marknadsby.
Ved sida av abbediet ligg Bury St. Edmunds-katedralen, som vart reist så seint som i 1913. Han vart utvida i 1960-åra, og eit nytt tårn i nygotisk stil stod ferdig i 2005.
I hagen til abbediet vart det i slutten av 1990-åra installert ein internettbenk, der kven som helst kan plugge inn ei berbar datamaskin og kople seg opp til internett. Dette var den første parkbenken i verda med internettilknytning; seinare har fleire kome til på andre stader. I den første veka oppdaga to tenåringar at det var mogleg å ringe gratis frå han, eit problem dei kontakta Bill Gates om. Ein annan premiere i byen var den første vegskilt i Storbritannia med indre belysning. Sidan det ikkje følgjer standarden, måtte det gjevast spesialløyve til å setje det opp.
Byen sin Theatre Royal er sentralt i kulturlivet. Det er òg ein stor kulturfestival i mai kvart år. Ein av pubane som hevdar å vere den minste i Storbritannia, The Nutshell («Nøtteskalet») ligg i byen. Om den verkeleg er den minste avheng av korleis ein mæler.
Green King Brewery er kjent for sitt India Pale Ale og sitt sterke Abbot Ale.
Denne artikkelen treng referansar for verifikasjon. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.