Burry Holms
From Wikipedia, the free encyclopedia
Burry Holms er ei lita tidvassøy utanfor nordenden av Gowerhalvøya i Wales. For 9000 år sidan var ho opp til 19 km borte frå sjøen og busett av nomadiske jegerar frå mellomsteinalderen. I 1919 fann ein flintreiskap frå desse menneska, og sidan har ein funne trekol, brende hasselnøttskal og reiskapar av tre og bein. I jernalderen vart det bygt eit stort åsfort og grøftesystem på øya. I mellomalderen låg det eit kloster på øya.
![Thumb image](http://upload.wikimedia.org/wikipedia/commons/thumb/4/41/Burry_Holms.jpg/640px-Burry_Holms.jpg)
Om våren og sommaren er Burry Holms dekt av blomar som fjærekoll og strandsmelle.