![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/German_Monopoly_board_in_the_middle_of_a_game.jpg/640px-German_Monopoly_board_in_the_middle_of_a_game.jpg&w=640&q=50)
Brettspelet Monopol
From Wikipedia, the free encyclopedia
Monopol er det bestseljande brettspelet i verda. Spelet går ut på å gå rundt eit brett og kjøpa eigedomar, samstundes som ein står i fare for å mista pengane sine til andre.
![](http://upload.wikimedia.org/wikipedia/commons/thumb/d/df/German_Monopoly_board_in_the_middle_of_a_game.jpg/640px-German_Monopoly_board_in_the_middle_of_a_game.jpg)
Foto: Horst Frank
Målet i spelet er å bli den rikaste spelaren ved å få størst mogleg monopol på eigedomar, og å tvinge dei andre spelarane til å gå konkurs ved kjøp, sal og leige av tomter med hus og hotell.
Spelet er laga i ei rekkje versjonar. Den klassiske forma har eigedomar frå den verkelege verda, og desse er tilpassa til ulike land. I Noreg vert spelet selt med gater i Oslo, i Storbritannia med gater i London osb. Enkelte nyare versjonar, som Star Wars-utgåva, bruker fiktive stader.