![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/Bluff_from_Stewart_Island_ferry.jpg/640px-Bluff_from_Stewart_Island_ferry.jpg&w=640&q=50)
Bluff på New Zealand
From Wikipedia, the free encyclopedia
Bluff (māori Motupōhue), tidlegare kjend som Campbelltown og ofte omtala som «The Bluff», er ein by og ei hamn i regionen Southland på sørkysten av Sørøya på New Zealand. Det er den sørlegaste byen på New Zealand (utanom Oban) og, trass i at Slope Point og Stewart Island/Rakiura båe ligg lenger sør, vert han vanlegvis omtala som det sørlegaste punktet i landet. Folketeljinga i 2018 viste eit innbyggjartal på 1797, ein nedgang på 6 sidan folketeljinga i 2013.
Bluff Motupōhue (maori) | ||
---|---|---|
Tidlegare namn | Campbelltown | |
![]() | ||
Kallenamn «The Bluff» | ||
Styresmakter | ||
Land Region Distrikt |
![]() Southland Invercargill | |
Grunnlagd | 1856 | |
Geografi | ||
Innbyggjarar[1] - By (2018) |
1797 | |
Koordinatar | 46°36′S 168°20′E | |
Høgd over havet | 5 m | |
Tidssone - Ved sommartid |
UTC + 12 (UTC) UTC + 13 (UTC) | |
Diverse anna | ||
Postnummer | 9814 | |
Nettstad: www.bluff.co.nz | ||
Plassering | ||
Området der Bluff ligg, var eit av dei tidlegaste der europearar slo seg ned på New Zealand. Det første skipet ein kjenner til som kom inn i hamna, var «Perseverance» i 1813, som leita etter høve til å gjera handel med fiberplanten Phormium, og dei første europeiske nybyggjarane slo seg ned i 1823 eller 1824.[2]
Dette er grunnlaget for påstanden[3] om at Bluff er den eldste permanente europeiske busetnaden i landet. Men misjonærbusetnaden i Kerikeri kom både tidlegare og var større. Byen fekk det offisielle namnet Campbelltown i 1856, vart ein borough i 1878, og fekk på nytt namnet Bluff i 1917.[4]