![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/57/SV_Eltanin_Brucebyen.jpg/640px-SV_Eltanin_Brucebyen.jpg&w=640&q=50)
Billefjorden
From Wikipedia, the free encyclopedia
Billefjorden er ein 11 km lang fjordarm inst i Isfjorden på Spitsbergen på Svalbard. Billefjorden går av frå Isfjorden saman med Sassenfjorden, mellom dei ligg fuglereservatet Gåsøyane. Det nedlagde sovjetiske gruvesamfunnet Pyramiden ligg i fjorden, og isbrea Nordenskiöldbrea har brefronten ut i fjorden. Ved Pyramiden blei det brote kol, og inst i fjorden finst det gips og anhydritt.
![Thumb image](http://upload.wikimedia.org/wikipedia/commons/thumb/5/57/SV_Eltanin_Brucebyen.jpg/640px-SV_Eltanin_Brucebyen.jpg)
Fjordnamnet vart først nytta om Adventfjorden, men frå siste halvdel av 1800-talet vart namnet nytta som i dag. Fjorden er oppkalla etter den nederlandske kvalfangaren Cornelius Claeszoon Bille, som var aktiv i 1675.