Avisa Hordaland
From Wikipedia, the free encyclopedia
Hordaland er ei avis som vert utgjeven på Voss i Vestland fylke. Avisa vart skipa i 1883. Fram til 1972 var Hordaland ei Venstre-avis, sidan den tid har ho vore partipolitisk ubunden. Dekningsområdet er kommunane Voss, Ulvik, Granvin, Vaksdal og Modalen. Avisa har ei husstandsdekning på over 93 prosent i Voss kommune, kring 85 prosent i Ulvik og Granvin. Hordaland kjem ut tysdag, torsdag og laurdag i tabloidformat (omlagt frå fullformat i oktober 2003), Gjennomsnittleg sidetal er kring 28. Avisa er eigd av eit familieaksjeselskap, med Astrid Kløve-Graue som hovudeigar. Terje Olsen er dagleg leiar. Redaktør er Geir Geitle som har hatt stillinga sidan 2015. 30 personar er tilsett i avisa, noko som representerer om lag 25 årsverk. Avisa vert redigert på nynorsk.