norsk fotballspelar From Wikipedia, the free encyclopedia
Arne Brustad (14. april 1912–22. august 1987) var ein fotballspelar frå Oslo som spelte på Bronselaget under Sommar-OL 1936. Han var i alle sine år medlem av Lyn, og vann to NM-gull etter 2. verdskrigen. Mellom 1935 og 1946 fekk han 33 landskampar for Noreg, og skåra 17 landslagsmål.
Arne Brustad | |
Statsborgarskap | Noreg |
Fødd | 14. april 1912 Oslo |
Død |
22. august 1987 (75 år) |
Yrke | fotballspelar |
Arne Brustad på Commons |
Brustad debuterte på landslaget 31. mai 1935, i ein kamp Noreg vann 2-0 over Ungarn. Året etter var han ein sentral spelar då Noreg vann bronsemedaljen under Sommar-OL 1936 i Berlin. På dei fire kampane Noreg spelte i olympiaden, skåra han fem mål, mellom anna alle dei norske måla då Noreg vann bronsefinalen 3-2 over Polen.
Noreg deltok i 1938 for fyrste gong i fotball-VM, og vart slått ut i fyrste runde. Motstandar var Italia, den komande verdsmeisteren, som vann 2-1 etter ekstraomgangar. Brustad skåra det norske målet og hadde elles ei nettkjenning like før ordinær tid var ute, denne vart annulert for offside. Hausten 1938 vart Brustad som einaste skandinav teken ut på Europalaget som spelte mot England på Highbury i London. Drakta frå den kampen, samt medaljar og trofe er i dag utstilt på Fotballmuseet på Ullevaal stadion.
Brustad og Lyn nådde ikkje heilt opp i norsk klubbfotball før 2. verdskrigen. Suksessen kom derimot i 1945 og 1946, då laget vart norsk meister begge åra etter sigrar over Fredrikstad FK.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.