![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Riders_of_the_Sidhe.jpg/640px-Riders_of_the_Sidhe.jpg&w=640&q=50)
Aos Sí
From Wikipedia, the free encyclopedia
Aos Sí (irsk uttale [iːs ˈʃiː]; eldre form aes sídhe [eːs ˈʃiːə], skotsk sìth) er ei gruppe overnaturlege vesen i irsk og skotsk mytologi som kan liknast med alvar eller underjordiske.[1] Dei er blitt kalla forfedrar, naturånder eller guddommar.[2] Aos Sí og verda deira er omtalte i det irske mellomalderverket Lebor Gabála Érenn.
![Thumb image](http://upload.wikimedia.org/wikipedia/commons/thumb/3/32/Riders_of_the_Sidhe.jpg/320px-Riders_of_the_Sidhe.jpg)
Dei skal halda til under jorda i alvehaugar (fairy mounds), over vesthavet, eller i ei usynleg verd som finst parallelt med den til menneskja. Aos sí er ei omskriving som tyder 'haugfolket'. På moderne irsk blir folket også kalla daoine sídhe ˈdʲiːnʲə ˈʃiːə som har same tyding; i skotsk tradisjon er dei daoine sìth.[3] Dei er også blitt kalla berre sídhe (som tyder 'haugar'), til dømes av innverknadsrike forfattarar som W.B. Yeats.[4]