From Wikipedia, the free encyclopedia
Andrew Murray (fødd 15. mai 1987) er ein britisk tennisspelar frå Glasgow i Skottland. Han var rangert som den andre beste tennisspelaren i verda i 2009, og som nummer 4 i verda i 2011.[1]
Andy Murray | |
Statsborgarskap | Storbritannia |
Fødd | 15. mai 1987 (37 år) Glasgow |
Idrett | tennis |
Tok del i | Sommar-OL 2012, Sommar-OL 2008, Tennis under Sommer-OL 2012 – Singel menn, tennis under Sommer-OL 2012 – Mixed double, Dunblane school massacre, 2005 Davis Cup, 2006 Davis Cup, 2007 Davis Cup, 2008 Davis Cup, 2009 Davis Cup, 2011 Davis Cup, 2013 Davis Cup, 2014 Davis Cup, 2015 Davis Cup, 2016 Davis Cup, Sommar-OL 2020, Tennis under Sommer-OL 2008 – Singel menn, Tennis under Sommer-OL 2008 – Dobbel menn, Tennis under Sommer-OL 2012 – Dobbel menn, Tennis under Sommer-OL 2016 – Singel menn, Tennis under Sommer-OL 2016 – Mixed double, Tennis under Sommer-OL 2016 – Dobbel menn, Tennis under Sommer-OL 2020 – Dobbel menn |
Utmerkingar | offiser av Den britiske imperieordenen, BBC Young Sports Personality of the Year, BBC Sports Personality of the Year Award, Laureus World Sports Award for Breakthrough of the Year, Knight Bachelor, BBC Sports Personality of the Year Award, BBC Sports Personality of the Year Award |
Under sommar-OL 2012 vann Andy Murray gull i tennis for menn singel og sølv i blanda par. Han har nådd finalen i fire Grand Slam-turneringar: US Open i 2008, Australian Open i 2010 og 2011 og Wimbledon-turneringa i 2012, men tapte alle fire, tre av dei for Roger Federer og ein for Novak Đoković.
Andy Murray er son av Will og Judy Murray. Familien var over middels interessert i idrett.[2] Morfaren hans, Roy Erskine, var profesjonell fotballspelar for Hibernian, Stirling Albion og Cowdenbeath.[3][4][5][6] Bror hans, Jamie Murray, er også profesjonell tennisspelar, mest i par-turneringar.[7] Etter at foreldra skilde lag då han var ni budde Andy og Jamie med faren.[8] Murray var elev ved Dunblane High School, og opplevde Dunblane-massakren i 1996.[9][2]
Som 15-åring blei Murray spurt om han ville trena med Rangers Football Club på deira fotballakademi, men takka nei for å kunna satsa på tenniskarriera i staden.[10]
Andy Murray kom inn på topp-10-lista til Association of Tennis Professionals for første gong den 16. april 2007. Han har vore i semifinalen i fleire Grand Slam-turneringar, seinast i Australian Open 2012, der han tapte for Novak Đoković i fem sett. Murray har spelt på det britiske Davis Cup-laget i åra 2005–2007. Han har spelt totalt tolv Davis Cup-kampar, og har vunne sju.
Då Andy Murray tok OL-gull i 2012 var det første gong ein mannleg britisk tennisspelar oppnådde dette sidan 1908. Då han kom fram til finalen i Wimbedon-turneringa i 2012 var det første gong på 74 år ein britisk mann hadde oppnådd dette.[11]
Resultat | År | Meisterskap | Dekke | Motstandar | Skår |
---|---|---|---|---|---|
Vinnar | 2012 | Sommar-OL | Gras | Roger Federer | 6–2, 6–1, 6–4 |
Resultat | År | Turnering | Dekke | Motstandar i finalen | Skår i finalen |
---|---|---|---|---|---|
Tapande finalist | 2008 | US Open | Hardcourt | Roger Federer | 2–6, 5–7, 2–6 |
Tapande finalist | 2010 | Australian Open | Hardcourt | Roger Federer | 3–6, 4–6, 6–7(11–13) |
Tapande finalist | 2011 | Australian Open(2) | Hardcourt | Novak Đoković | 4–6, 2–6, 3–6 |
Tapande finalist | 2012 | Wimbledon | Grass | Roger Federer | 4-6, 7-5, 6-3, 6-4 |
Murray er sambuar med Kim Sears, som ofte er til stades under kampane hans.
Murray har delt kneskjell («delt kneskål»), ein tilstand der kneskåla ikkje veks saman til eitt bein i tidleg barndom, men blir verande i to delar.[12] Han fekk diagnosen som 16-åring og tok då ein pause frå tennisen i eit halvår. Murray tek seg ofte til kneet under kampar og har også måtta trekka seg frå turneringar av same grunn.[13] Likevel klarer han seg rimele godt takka vere ulike behandlingar.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.