![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b7/SouthPoleStationDestinationAlpha.jpg/640px-SouthPoleStationDestinationAlpha.jpg&w=640&q=50)
Amundsen–Scott-stasjonen
From Wikipedia, the free encyclopedia
Amundsen–Scott-stasjonen er ein amerikansk forskingsstasjon på Den geografiske Sørpolen, det sørlegaste punktet på jorda. Stasjonen ligg på det høge platået i Antarktis i ei høgd på 2835 meter over havet.
![Thumb image](http://upload.wikimedia.org/wikipedia/commons/thumb/3/37/Amundsen-Scott_South_Pole_Station.jpg/640px-Amundsen-Scott_South_Pole_Station.jpg)
![Thumb image](http://upload.wikimedia.org/wikipedia/commons/thumb/3/3e/SPSM.05.jpg/640px-SPSM.05.jpg)
Amundsen–Scott-stasjonen | |||
stasjon | |||
Amundsen-Scott-stasjonen i 2009. I framgrunnen ligg «Destination Alpha», ein av dei to hovudinngangane. | |||
Land | ![]() | ||
---|---|---|---|
Stad | Sørpolen | ||
• høgd | 2 835 moh. | ||
- koordinatar | 90°00′S 0°00′E | ||
Folketal | 150 | ||
Administrert under | Antarktistraktaten | ||
![]() Amundsen–Scott-stasjonen 89.9975°S 139.2728°E / -89.9975; 139.2728 | |||
Wikimedia Commons: Amundsen-Scott South Pole Station | |||
Den opphavlege Amundsen–Scott-stasjonen vart bygd av amerikanske styresmakter i november 1956 som eit ledd i forskinga under Det internasjonale geofysiske året, eit internasjonalt samarbeid som varte frå januar 1957 til juni 1957 for mellom anna studere geofysikk i polarregionane.
Før november 1956 var det ikkje nokon permanente menneskeskapte strukturar på Sørpolen, og generelt særs lite aktivitet i det indre av Antarktis. Dei få forskingsstasjonane som fanst låg ved kysten. Stasjonen har vore permanent bemanna sidan han vart bygd. Amundsen–Scott-stasjonen har vorte ombygd, riven ned, utvida og oppgradert fleire gonger sidan 1956.
Sidan Amundsen–Scott-stasjonen ligg på Sørpolen, er han den einaste busette staden på jorda der sola er oppe seks månader i strekk og så borte i seks månader i strekk. I løpet av polarnatta vert det særs kaldt på Sørpolen med lufttemperaturar stundom under −73 °C. Om vinteren oppstår det òg snøstormar, stundom med særs kraftig vind. Det vedvarande mørket om vinteren, i samband med den tørre atmosfæren, gjer at han er særs eigna for astronomiske observasjonar.
Talet på forskarar og støttepersonell på Amundsen–Scott-stasjonen har alltid variert gjennom året, med flest folk om sommaren, som varer frå oktober til februar. I nyare år har det vore kring 50 personar her om vinteren.