![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/73/Alexander_Nevsky_Cathedral.jpg/640px-Alexander_Nevsky_Cathedral.jpg&w=640&q=50)
Aleksander Nevskij-katedralen i Tallinn
From Wikipedia, the free encyclopedia
Aleksander Nevskij-katedralen er ei russisk-ortodoks kyrkje i gamlebyen i Tallinn, hovudstaden i Estland.
![Thumb image](http://upload.wikimedia.org/wikipedia/commons/thumb/7/73/Alexander_Nevsky_Cathedral.jpg/640px-Alexander_Nevsky_Cathedral.jpg)
Mikhail Preobrazhensky teikna kyrkja i ein typisk nyrussisk stil. Kyrkja er bygd mellom 1894 og 1900, i perioden då landet var ein del av det russiske imperiet. Aleksander Nevskij-katedralen er den største og finaste ortodokse kyrkja i byen. Ho er dedikert til helgenen Aleksander Nevskij som vann slaget i 1242 om isen på Peipus som i dag ligg på grensa mellom Russland og Estland. Den siste russiske patriarken, Aleksej II, starta prestegjerninga si i denne kyrkja.
![Thumb image](http://upload.wikimedia.org/wikipedia/commons/thumb/b/b6/Aleksander_Nevski_katedraal_2013_interior2.jpg/640px-Aleksander_Nevski_katedraal_2013_interior2.jpg)
Aleksander Nevskij-katedralen kroner toppen av Toompea der legenda fortel at folkehelten Kalev er gravlagt. Det må òg seiast det finst fleire andre legender om stader i Estland der Kalev kan vere gravlagt. Styresmaktene i landet planla å rive ned katedralen i 1924, men vedtaket blei aldri gjennomført. Kyrkja har vore samvitsfullt restaurert etter at Estland vann sjølvstende frå Sovjetunionen i 1991.