norsk pianist og komponist From Wikipedia, the free encyclopedia
Agathe Backer Grøndahl (1. desember 1847–4. juni 1907) var ein norsk pianist og komponist av romantisk og nasjonalromantisk musikk.[1] Ho var den første viktige kvinnelege norske komponisten, og er i dag særleg kjend for songen «Mot kveld».
Agathe Backer Grøndahl | |||
| |||
Fødd | 1. desember 1847 | ||
---|---|---|---|
Fødestad | Holmestrand kommune | ||
Død | 4. juni 1907 (59 år) | ||
Dødsstad | Ormøya | ||
Fødenamn | Agathe Backer | ||
Opphav | Noreg | ||
Sjanger | klassisk musikk | ||
Instrument | piano | ||
Verka som | komponist, pianist, musikkpedagog | ||
Far | Niels Backer | ||
Gift med | Olaus Andreas Grøndahl | ||
Born | Fridtjof Backer-Grøndahl, Nils Backer-Grøndahl, Anders Backer Grøndahl |
Agathe Backer var fødd i Holmestrand, men flytta ti år seinare til Oslo saman med familien. Der lærte ho pianospel og komposisjon hjå Otto Winther-Hjelm, Halfdan Kjerulf og musikkteori hjå Ludvig Mathias Lindeman. I 1865 reiste ho til Berlin for å studera ved Theodor Kullaks musikkakademi. Seinare studerte Backer under Hans von Bülow i Firenze, og under Franz Liszt i Weimar i 1873.
Agather Backer blei gift med Olaus Andreas Grøndahl, ein framståande kordirigent, i 1875. Dei fekk sonen Fridtjof Backer-Grøndahl.
Agather Backer Grøndal var ein pianist av verdsformat og gav konsertar i fleire europeiske land. Då ho studerte i Berlin gjorde ho lykke med Ludwig van Beethovens 5. pianokonsert. Ho spelte ofte verk av Edvard Grieg, og var tre gonger solist i Griegs a-moll-konsert med komponisten sjølv som dirigent. Backer Grøndahl var også ein nær venn av Edvard Grieg.
Agathe Backer Grøndahl skreiv helst klaverstykke og romansar. Ho fullførte i alt 70 verk, og var ein framtredande skikkelse i norsk musikkliv. Mot slutten av livet vart Backer Grøndahl heilt døv, og måtte gjeva opp musikarlivet.
Agathe Backer Grøndahl døydde 59 år gamal i Kristiania den 4. juni 1907.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.